Makosa Makubwa Yanayofanya Media Kit Ikataliwe na Wadhamini na Jinsi ya Kuyarekebisha

Kutengeneza Media Kit ni hatua muhimu lakini si kila Media Kit itawavutia wadhamini.Baadhi ya bloggers hutuma Media Kit nyingi kwa kampuni lakini hawapati majibu kwa sababu kuna makosa yanayopunguza uaminifu wao.Kuelewa makosa haya na kuyarekebisha kunaweza kuongeza nafasi yako ya kupata ushirikiano na kampuni mbalimbali.

1. Kutokuwa na Taarifa Sahihi

Moja ya makosa makubwa ni kuweka taarifa ambazo si za kweli.

Mfano:Kuongeza idadi ya wasomaji ambayo haipo,kusema una ushirikiano na kampuni ambazo hujawahi kufanya nazo kazi,kuweka takwimu zilizopitwa na wakati.Wadhamini wanaweza kuchunguza taarifa zako na wakigundua si sahihi wanaweza kupoteza imani na wewe.

Jinsi ya Kurekebisha:

Tumia taarifa halisi na sasisha Media Kit yako mara kwa mara.Uaminifu ni muhimu kuliko kuonekana mkubwa kwa muda mfupi.

2. Media Kit Kuwa Ndefu Sana Isiyokuwa na Mpangilio

Baadhi ya bloggers huweka kila kitu kwenye Media Kit mpaka inakuwa ngumu kusomeka.Kumbuka kuwa kampuni zina muda mdogo wa kupitia nyaraka nyingi.

Jinsi ya Kurekebisha:

·       Tumia vichwa vidogo.

·       Tumia sentensi fupi.

·       Weka taarifa muhimu pekee.

·       Tumia picha na takwimu kwa mpangilio mzuri.

Media Kit bora inaweza kueleweka haraka.

3. Kutokuwa na Taarifa za Wasomaji

Kampuni zinataka kujua zinafikia watu gani kupitia wewe.Media Kit bila maelezo ya hadhira inaweza kupunguza mvuto wake.

Weka taarifa kama:

·       Umri wa wasomaji (ikiwa unayo).

·       Nchi wanazotoka.

·       Mada wanazopenda.

·       Mahitaji yao.

Hii humsaidia mdhamini kuona kama wasomaji wako wanaendana na bidhaa zao.

4. Kutoonyesha Huduma Unazotoa

Baadhi ya bloggers huonyesha tu kuhusu blog yao lakini hawasemi wanaweza kufanya nini kwa kampuni.

Jinsi ya Kurekebisha:

Eleza huduma zako wazi:

·       Sponsored Posts.

·       Reviews za bidhaa.

·       Matangazo ya banner.

·       Ushirikiano wa mitandao ya kijamii.

·       Kampeni maalumu.

5. Kutokuwa na Mawasiliano Rahisi

Kama mdhamini anapenda kushirikiana nawe lakini hawezi kupata mawasiliano yako unaweza kupoteza nafasi.

Hakikisha unaweka:Email ya kazi,kiungo cha blog/link,mitandao ya kijamii,njia nyingine ya mawasiliano.

6. Kutotengeneza Media Kit kwa Hadhi ya Kitaalamu

Media Kit yenye makosa ya uandishi picha mbaya au muundo usioeleweka inaweza kutoa picha kwamba hufanyi kazi kwa umakini.

Jinsi ya Kurekebisha:

Kabla ya kutuma:

·       Kagua tahajia/jarada

·       Angalia mpangilio.

·       Hakikisha picha zina ubora.

·       Fungua PDF kwenye simu na kompyuta.

7. Kutumia Lugha ya Kuomba Msaada Badala ya Ushirikiano

Kampuni hazitafuti watu wanaoomba pesa pekee.Zinatafuta washirika wa biashara.Badala ya kusema:"Naomba mnisaidie kwa matangazo."

Sema:"Tunatoa nafasi ya kushirikiana ili kusaidia chapa yako kufikia wasomaji wanaovutiwa na eneo lako la biashara."Hii inaonyesha thamani yako.

8. Kutokuwa na Ushahidi wa Kazi Zako

Kama umewahi kuandika makala nzuri au kufanya kampeni ionyeshe.Unaweza kuweka:Viungo vya makala bora,picha za kampeni,maoni ya wateja,matokeo ya ushirikiano.

9. Kutotengeneza Media Kit kwa Aina ya Mdhamini

Media Kit moja inaweza isiwe bora kwa kila kampuni.Mfano:Media Kit ya kampuni ya teknolojia inaweza kusisitiza:

·       AI.

·       Blockchain.

·       Programu.

·       Watumiaji wa teknolojia.

Media Kit ya shirika la kijamii inaweza kusisitiza:Jamii,elimu,msaada kwa watu.

10. Kusahau Kusasisha Media Kit

Blog inakua kila mwezi.Kama Media Kit yako ina taarifa za zamani inaweza kuonyesha kuwa blog haifanyi kazi.Sasisha:Idadi ya wasomaji,wafuasi wapya,miradi mipya na huduma mpya.

Jinsi ya Kufanya Media Kit Yako Iwe Bora Zaidi

Jiulize maswali haya:

                              i.            Je,mdhamini anaelewa blog yangu ndani ya dakika moja?

                          ii.            Je,anaona faida ya kushirikiana nami?

                       iii.            Je,taarifa zote ni sahihi?

                        iv.            Je,mawasiliano yangu yako wazi?

                           v.            Je,muonekano unaonyesha taaluma?

Kama majibu ni ndiyo basi Media Kit yako iko kwenye njia nzuri.

Hitimisho

Media Kit si kuhusu kuweka taarifa nyingi bali ni kuhusu kuwasilisha thamani yako kwa njia sahihi.Epuka makosa haya na hakikisha kila sehemu inaonyesha ubora,uaminifu na uwezo wako wa kusaidia wadhamini kufikia malengo yao.Katika Sehemu inayofuata tutajifunza mifano ya muundo wa Media Kit kwa blog mbalimbali,jinsi ya kuandika kila ukurasa na mfano wa Media Kit unaoweza kuutumia kwenye blog yako.